Pentagon Suriyadagi At-Tanf harbiy bazasida “Magavir As-Saura” jangarilar guruhini tayyorgarlikdan o‘tkazayotganini tasdiqladi, deb yozadi “RIA Novosti”.
Avvalroq Rossiya qurolli kuchlari bosh shtabi boshlig‘i general-polkovnik Sergey Rudskoy AQShlik yo‘riqchilar At-Tanf atrofida “Magavir As-Saura” jangarilar guruhini tayyorgarlikdan o‘tkazayotgani, so‘ngra ularni vertolyotlarda Frot ortiga tashlayotganini aytgandi.
“At-Tanf atrofida ‘Magavir As-Saura’ koalitsiya hamkori hisoblanadi. ‘Magavir As-Saura’ IShIDni to‘xtatish va xavfsizlikni ushlab turishda o‘zining samaradorligini namoyish etdi”, - deb ma’lum qildi koalitsiya matbuot xizmati.
Ma’lum qilinishicha, AQSh At-Tanf atrofida IShIDni yakson qilish uchun koalitsiya kuchlarini tayyorlash va ularga maslahat berishni davom ettiradi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.