Vobkentlik Sh.E. 2008-yilda jinoyat ishlari bo‘yicha tuman sudi tomonidan sudlangan edi. Bu haqda “Daryo”ga MIB matbuot xizmati ma’lum qildi.
Daliliy ashyo sifatida unga tegishli bo‘lgan Tico rusumli avtomashina davlat foydasiga musodara qilinib, qonunbuzarga oylik maoshining 30 foizi davlat hisobiga o‘tkazish sharti bilan 3 yil muddatga axloq tuzatish ishlari jazosi tayinlangan edi. Sh.E davlatdan 10 million 984 ming so‘m qarzdor bo‘lib qolaverdi.
Sudning tegishli ijro hujjatlariga ko‘ra MIB ijro harakatlarini davom ettirdi. IIB bilan hamkorlikda olib borilgan ishlar natijasida qarzdorga tegishli Lada avtomashinasi borligi aniqlandi va MIB tomonidan qarz hisobiga xatlandi.
Avtotransport jarima maydonchasiga keltirilgach qonundan qochib bo‘lmasligini anglab hushyor tortgan Sh.E. davlatdan bo‘lgan qarzini to‘lab berdi. Mashina egasiga qaytarildi.
Izoh (0)