Вобкентлик Ш.Э. 2008 йилда жиноят ишлари бўйича туман суди томонидан судланган эди. Бу ҳақда «Дарё»га МИБ матбуот хизмати маълум қилди.
Далилий ашё сифатида унга тегишли бўлган Tico русумли автомашина давлат фойдасига мусодара қилиниб, қонунбузарга ойлик маошининг 30 фоизи давлат ҳисобига ўтказиш шарти билан 3 йил муддатга ахлоқ тузатиш ишлари жазоси тайинланган эди. Ш.Э давлатдан 10 миллион 984 минг сўм қарздор бўлиб қолаверди.
Суднинг тегишли ижро ҳужжатларига кўра МИБ ижро ҳаракатларини давом эттирди. ИИБ билан ҳамкорликда олиб борилган ишлар натижасида қарздорга тегишли Lada автомашинаси борлиги аниқланди ва МИБ томонидан қарз ҳисобига хатланди.
Автотранспорт жарима майдончасига келтирилгач қонундан қочиб бўлмаслигини англаб ҳушёр тортган Ш.Э. давлатдан бўлган қарзини тўлаб берди. Машина эгасига қайтарилди.
Изоҳ (0)