Toshkentda o‘z uyi oldida sobiq xotinini sovuqqonlik bilan o‘ldirishga uringan fuqaroga sud hukmi o‘qildi. Bu haqda jinoyat ishlari bo‘yicha Toshkent shahar Mirzo Ulug‘bek tuman sudi matbuot xizmati xabar bermoqda.
Sud hay’ati sudlanuvchi, jabrlanuvchi va guvohlarning ko‘rsatuvlarini tingladi, to‘plangan dalillarni tekshirdi va muhokama qildi, jinoyat ishidagi hujjatlarni tahlil qildi, taraflarning muzokaralari, sudlanuvchilarning himoya nutqi va oxirgi so‘zini eshitdi.
O‘zbekiston Respublikasi JKning 25 (Jinoyatga tayyorgarlik ko‘rish va jinoyat sodir etishga suiqasd qilish), 97-moddasi (qasddan odam o‘ldirish) 1-qismida nazarda tutilgan jinoyatni sodir etganlikda aybli deb topildi va unga 10 (o‘n) yil ozodlikdan mahrum qilish jazosi tayinlandi.
Tayinlangan jazoni umumiy tartibli koloniyalarda o‘tash belgilandi.
Eslatib o‘tamiz, jabrlanuvchining so‘zlariga ko‘ra, sobiq umr yo‘ldoshi uni bir necha yil ta’qib qilgan, keyin podyezd yaqinida poylab turib, unga pichoq bilan hujum qilgan.
36 yoshli Oybek jinoyatni yolg‘iz o‘zi sodir etgan va uning hozirgi turmush o‘rtog‘i uning rejalaridan shubhalanmagan.
Izoh (0)