Samarqand shahridagi 64-sonli alohida saqlash sharoitlari, tarbiya va ta’limga muhtoj o‘g‘il bolalar uchun ixtisoslashgan maktabning 8-sinf o‘quvchisi A.T. o‘zini osib qo‘ygan. “Daryo”ga kelgan ma’lumotlarga ko‘ra, voqea 25-iyul kuni kechasi sodir bo‘lgan.
A.T. nima sabadan o‘z joniga qasd qilganligi bo‘yicha aniq ma’lumot yo‘q. Ma’lumotlarga ko‘ra, maktab direktori bolaning yaqinlarini chaqirib, uning ruhiy kasal ekanligini bois hech qanday da’voim yo‘q degan tilxat yozdirib olgan.
Eslatib o‘tamiz, bir yil avval — 2018-yilning 23-iyul kuni OAVda Samarqand shahridagi 64-sonli maxsus maktab rahbarlari va tarbiyachilar tarbiyalanuvchilarni kaltaklab kelayotgani haqida xabar paydo bo‘lgan edi. Sudda maktab rahbarlari uzoq muddatga ozodlikdan mahrum etilgan edi.
Ish Samarqand viloyati sudida apellyatsiya tartibida qayta ko‘rilib, barcha jabrlanuvchilar va guvohlar, shuningdek, qo‘shimcha guvohlar ham so‘roq qilingach, Samarqand shahar sudi shoshma-shosharlik bilan ish ko‘rgani, ko‘p kamchiliklarga yo‘l qo‘ygani oshkor bo‘ldi va 64-maxsus maktab-internati direktori Shuhrat Sadinov, tarbiyachilar Sh.Ochilov va Z.Salimovlar sud zalidan ozod qilingandi.
Izoh (0)