Polshaning Collegium Humanum – Varshava menejment universiteti rektori Pavel Charnetski Andijon shahrida universitet filialini ochish taklifi bilan chiqdi. Bu haqda “Daryo” muxbiri xabar bermoqda.
Viloyat hokimligining ma’lum qilishicha, 22-iyul kuni hokimlik binosida Andijon viloyati hokimi Shuhratbek Abdurahmonov mazkur oliy ta’lim muassasi delegatsiyasini qabul qilgan. Unda mehmonlar tomonidan xalqaro ta’lim standartlari asosida kadrlar tayyorlovchi oliy o‘quv yurtini birgalikda aynan Andijonda tashkil qilish taklifi ilgari surilgan.
— Ta’lim dargohimiz Polshaning yetakchi xususiy universitetlari qatoridan joy olgan bo‘lib, mamlakatning o‘zida 23 ta filialga ega, – deydi universitet rektori, professor Pavel Charnetski. — Shuningdek, Yevropa Ittifoqiga kiruvchi qator davlatlarda ham bo‘limlarimiz ochilgan. Ta’lim narxi nisbatan arzon, talabalar uchun turli grantlar va chegirmalar ko‘zda tutilgan. Malaka oshirish, tajriba almashish, amaliyot o‘tash uchun barcha imkoniyatlar yaratilgan. O‘ylaymizki, universitetimiz infratuzilmani rivojlantirish, hududdagi ijtimoiy siyosatdagi ishtiroki orqali samara keltirishi mumkin.
Izoh (0)