Efiopiyadagi etnik guruh faollari va xavfsizlik kuchlari o‘rtasidagi to‘qnashuvlarda 25 kishi halok bo‘ldi
Efiopiya janubida o‘z hududi muxtoriyati to‘g‘risida referendum o‘tkazilishini talab qilgan mahalliy etnik guruh bo‘lgan Sidamo millati faollari va xavfsizlik kuchlari o‘rtasidagi to‘qnashuvlarda 25 kishi halok bo‘ldi. Bu haqda BBC ma’lumotlariga tayanib “Korrespondent.net” xabar qiladi.
Sidamo vakillari markaziy hukumatni o‘z mintaqasiga muxtoriyat berish to‘g‘risida referendum o‘tkazish haqidagi va’dasini bajarmaganlikda aybladi.
Tartibsizliklar paytida Efiopiya xavfsizlik kuchlari namoyishchilarga qarshi jangovor o‘q-dorilarni ishlatgan.
O‘tgan payshanba (18-iyul) kuni Sidamo faollari o‘z federal hududini e’lon qilish bo‘yicha niyatlarini ma’lum qilgan edi.
Sidamo — Efiopiya janubida yashovchu beshinchi yirik etnik guruh bo‘lib, ushbu guruh Afrika mamlakatlari aholisining 4 foizga yaqin qismini tashkil qiladi. Shu bilan birga, Efiopiyaning qolgan yirik etnik guruhlari allaqachon o‘zlarining avtonom mintaqalariga ega.
