Эфиопия жанубида ўз ҳудуди мухторияти тўғрисида референдум ўтказилишини талаб қилган маҳаллий этник гуруҳ бўлган Сидамо миллати фаоллари ва хавфсизлик кучлари ўртасидаги тўқнашувларда 25 киши ҳалок бўлди. Бу ҳақда BBC маълумотларига таяниб «Корреспондент.net» хабар қилади.
Сидамо вакиллари марказий ҳукуматни ўз минтақасига мухторият бериш тўғрисида референдум ўтказиш ҳақидаги ваъдасини бажармаганликда айблади.
Тартибсизликлар пайтида Эфиопия хавфсизлик кучлари намойишчиларга қарши жанговор ўқ-дориларни ишлатган.
Ўтган пайшанба (18 июль) куни Сидамо фаоллари ўз федерал ҳудудини эълон қилиш бўйича ниятларини маълум қилган эди.
Сидамо — Эфиопия жанубида яшовчу бешинчи йирик этник гуруҳ бўлиб, ушбу гуруҳ Африка мамлакатлари аҳолисининг 4 фоизга яқин қисмини ташкил қилади. Шу билан бирга, Эфиопиянинг қолган йирик этник гуруҳлари аллақачон ўзларининг автоном минтақаларига эга.
Изоҳ (0)