“O‘zekspomarkaz” milliy ko‘rgazmalar majmuasida 16—18-iyul kunlari O‘zbekiston va Afg‘oniston mahsulotlarining ixtisoslashtirilgan ko‘rgazmasi tashkil etildi, deb xabar beradi O‘zA.
Ushbu ko‘rgazma ikki mamlakatning iqtisodiy va eksport salohiyati bilan yaqindan tanishish, ishlab chiqarishning turli tarmoqlarida amalga oshirish mumkin bo‘lgan qo‘shma loyihalar bo‘yicha muloqotni yo‘lga qo‘yish, shuningdek, ikki xalqning boy madaniy merosini keng targ‘ib qilish maqsadida o‘tkazildi.
Undagi kichik biznes, to‘qimachilik, qishloq xo‘jaligi, metallurgiya, qurilish kabi o‘nga yaqin bo‘limlarda O‘zbekiston va Afg‘onistonning elektronika, yengil sanoat, transport, farmasevtika, oziq-ovqat mahsulotlari, yengil sanoat, mebelsozlik, hunarmandlik kabi tarmoqlarda erishgan yutuqlari namoyish etildi.
Tadbir ochilishida O‘zbekiston investitsiyalar va tashqi savdo vaziri S.Umurzoqov, Afg‘oniston sanoat va savdo vaziri A.Ahmadiy so‘nggi yillarda ikki mamlakat o‘rtasidagi iqtisodiy hamkorlik har tomonlama rivojlanib borayotganini ta’kidladi.
Afg‘onistonlik hamkorlar pavilyonlarida ushbu mamlakatning tegishli vazirlik va idoralari, 60 dan ziyod kichik biznes subyekti vakillari o‘z mahsulotlari bilan ishtirok etdi.
Izoh (0)