Toshkent viloyatida “Angren Pask” XK AJ bazasida qog‘oz mahsulotlari ishlab chiqarishni qayta tiklash va modernizatsiya qilish chora-tadbirlari to‘g‘risidagi hukumat qarori qabul qilindi.
Qarorga muvofiq, “Angren Pask” XK AJ ustav kapitalidagi davlat aksiyalarining 25 foizi “Nikol Pak UK”ga (Rossiya) quyidagi investitsiya majburiyatlari bilan “nol” qiymatda sotiladi:
1-bosqichda — kamida 25 million dollar investitsiya kiritish hamda 2019—2020-yillarda “Angren Pask” XK AJ bazasida qog‘oz mahsulotlarini ishlab chiqarishni qayta tiklash va modernizatsiya qilish;
2-bosqichda — kamida 25 mln dollar investitsiya kiritib, 2020—2021-yillarda yiliga 6,0 million kvadrat metr bitum, tom yopish va gidroizolyatsiya materiallari ishlab chiqarishni tashkil etish;
3-bosqichda — kamida 25 million dollar investitsiyalar kiritib 2020—2021-yillarda yiliga 300 ming kub metr ekstruzion penopolistirol ishlab chiqarishni tashkil etish.
Izoh (0)