Toshkent shahar Yong‘in xavfsizligi xizmati Telegram’dagi “Exo.Uzbekistana” kanalida e’lon qilingan “Toshkentda yana yong‘in…” sarlavhasi ostidagi video 7-iyul kuni sodir bo‘lmaganini ma’lum qildi.
Videorolikda joriy yilning 16-iyun kuni Bektemir tumanida joylashgan “Zaminteks Iplik” MChJ tekstil zavodining omborida sodir bo‘lgan yong‘in tasvirlangan.
Shu sababli Toshkent shahar Yong‘in xavfsizligi boshqarmasi poytaxt hududida sodir bo‘layotgan yong‘inlarni yoritayotgan internet va Telegram kanallar vakillariga murojaat qildi.
“Yong‘inlarga oid ma’lumotlarni tarqatishdan oldin rasmiy manbalardan buni tasdiqlatib oling, yoki har kuni Toshkent hududida sodir bo‘lgan yong‘inlarni yoritib boradigan Telegram’dagi ‘Toshkent shahar YOXB’ kanalimizni kuzating”, — deyiladi xabarda.
Izoh (0)