Капитан Ирина Сайфутдинова Тошкент шаҳар ИИББ Ахборот мультимедиа маркази бошлиғи — бош бошқарма бошлиғининг матбуот котиби лавозимига тайинланди. Бу ҳақда идора матбуот хизмати хабар берди.
Ирина Сайфутдинова 1974 йили Тошкент вилояти Олмалиқ шаҳрида туғилган. Олий маълумотли. 1997 йил Ўзбекистон Миллий университетини тамомлаган. Фаолияти давомида Ўзбекистон Мудофаа вазирлигининг «Ватанпарвар» газетасида мухбир, Ички ишлар вазирлиги Бирлашган таҳририятида бўлим мудири, Тошкент шаҳар ИИББ Ахборот мультимедиа маркази бошлиғининг ўринбосари — бош муҳаррир лавозимларида меҳнат қилган.
Шунингдек, катта сержант Эътибор Шираева Ахборот мультимедиа маркази бошлиғининг ўринбосари — бош муҳаррир вазифасини бажарувчи лавозимига тайинланди.
Эътибор Шираева 1985 йил Хоразм вилояти Хива шаҳрида туғилган. Олий маълумотли. 2004 йил Хива шаҳар педагогика касб-ҳунар коллежини ҳуқуқшунос-иқтисодчи мутахассислиги бўйича ҳамда 2010 йил Ўзбекистон давлат жисмоний тарбия институтининг бакалавриат ва 2012 йил Мирзо Улуғбек номидаги Ўзбекистон Миллий университетининг журналистика мутахассислиги бўйича магистратура таълим йўналишларини тамомлаган.
Изоҳ (0)