Investitsiyalar va tashqi savdo vaziri: “Raqobat teng bo‘lishi uchun hamma imtiyozlar bekor qilinishi foyda beradi”

Investitsiyalar va tashqi savdo vaziri Sardor Umrzoqov fikricha, soliq tizimi investitsion muhitga juda katta ta’sir ko‘rsatadi. Vazir aytdiki, so‘nggi yillarda investitsiya nima ekanini o‘rgana boshladik. Avval buni anglamaganmiz deb yozadi O‘zA

Bu o‘zgarishga investorlar nima deydi? Investorlar uchun nima muhim? Albatta, shart-sharoitlarning tengligi, qulay muhit bo‘lishi zarur. Raqobat teng bo‘lishi uchun hamma imtiyozlar bekor qilinishi foyda beradi. Hozir yurtimizga kelayotgan, qiziqayotgan xorijlik investorlar hamma teng bo‘lishini talab qilayapti. Avval imtiyoz so‘ragan bo‘lsa, endi imtiyoz kerak emas, hamma uchun teng sharoitlar bo‘lishini so‘rayapti. Bu adolatli bo‘ladi. Qiziqishlar ham ortayapti.

Farmon chiqqach, isroillik investor menga murojaat qilib, O‘zbekistonda o‘zgarishlar rost yoki yolg‘onligini xorijlik do‘stlari so‘rayotganini aytdi. Shuning o‘ziyoq yurtimizga qiziqish ortayotganini bildirayapti.

Investorlarning faoliyatiga oid foyda bermayotgan hujjatlar bekor qilinib, investorlar huquqlarini himoya qiladigan qonun hujjatiga ehtiyoj bor.

O‘zbekistonga eng raqobatbardosh ishlab chiqaruvchilar kerak. Biz dunyo bozorida o‘z o‘rnimizni topish uchun bu zarur. Ehtiyotkorlik bilan biz o‘zimizning ishlab chiqaruvchilarga sharoit yaratib berishimiz foydadan holi bo‘lmaydi. Busiz kelajagimiz yo‘q. Hozir biz jahon bozorida yirik mamlakatlar bilan raqobat qilishga tayyor emasmiz

Sardor Umrzoqov, Investitsiyalar va tashqi savdo vaziri