Инвестициялар ва ташқи савдо вазири Сардор Умрзоқов фикрича, солиқ тизими инвестицион муҳитга жуда катта таъсир кўрсатади. Вазир айтдики, сўнгги йилларда инвестиция нима эканини ўргана бошладик. Аввал буни англамаганмиз деб ёзади ЎзА
Бу ўзгаришга инвесторлар нима дейди? Инвесторлар учун нима муҳим? Албатта, шарт-шароитларнинг тенглиги, қулай муҳит бўлиши зарур. Рақобат тенг бўлиши учун ҳамма имтиёзлар бекор қилиниши фойда беради. Ҳозир юртимизга келаётган, қизиқаётган хорижлик инвесторлар ҳамма тенг бўлишини талаб қилаяпти. Аввал имтиёз сўраган бўлса, энди имтиёз керак эмас, ҳамма учун тенг шароитлар бўлишини сўраяпти. Бу адолатли бўлади. Қизиқишлар ҳам ортаяпти.Фармон чиққач, исроиллик инвестор менга мурожаат қилиб, Ўзбекистонда ўзгаришлар рост ёки ёлғонлигини хорижлик дўстлари сўраётганини айтди. Шунинг ўзиёқ юртимизга қизиқиш ортаётганини билдираяпти.
Инвесторларнинг фаолиятига оид фойда бермаётган ҳужжатлар бекор қилиниб, инвесторлар ҳуқуқларини ҳимоя қиладиган қонун ҳужжатига эҳтиёж бор.
Ўзбекистонга энг рақобатбардош ишлаб чиқарувчилар керак. Биз дунё бозорида ўз ўрнимизни топиш учун бу зарур. Эҳтиёткорлик билан биз ўзимизнинг ишлаб чиқарувчиларга шароит яратиб беришимиз фойдадан ҳоли бўлмайди. Бусиз келажагимиз йўқ. Ҳозир биз жаҳон бозорида йирик мамлакатлар билан рақобат қилишга тайёр эмасмиз
Сардор Умрзоқов, Инвестициялар ва ташқи савдо вазири
Изоҳ (0)