BMT Xavfsizlik kengashi 3-iyul kuni yopiq tarzda o‘tgan favqulodda yig‘ilishida Liviya poytaxti Tripoli yaqinidagi qochqinlar lageriga aviahujumni qoralovchi qo‘shma rezolyutsiyani qabul qilolmadi. Bu haqda “Liga Novosti” xabar berdi.
Ma’lum bo‘lishicha, bunday qaror imzolanishini AQSh qo‘llab-quvvatlamagan. AQShning bunday harakati sababi noma’lumligicha qolmoqda.
Rezolyutsiya matnida Liviyadagi mojarolar barcha ishtirokchilarini harbiy to‘qnashuvlarni to‘xtatishga chaqirilgan edi. Shuningdek, vaziyatni tartibga solish maqsadida siyosiy muloqot o‘tkazish zarurligi haqida ham so‘z borgan.
Eslatib o‘tamiz, Tajur munitsipalitetidagi qochqinlar markaziga aviahujum ushtirilishi oqibatida 40 kishi halok bo‘lgan, 130 dan ortiq odam jarohatlangandi. Xalqaro hamjamiyat va BMT tomonidan tan olingan Liviya hukumati hujum uchun javobgarlik Liviya milliy armiyasi qo‘mondoni, general Xalifa Haftar bo‘ynida ekanligini ma’lum qilgan. U aprel oyidan buyon Tripoliga hujum qilmoqda.
Izoh (0)