Amerikaning Boeing aviakonserni Efiopiya va Indoneziyada halokatga uchragan ikkita 737 MAX layneri yo‘lovchilarining qarindoshlari va yaqinlariga 100 million dollar ajratadi, deb xabar berdi “Korrespondent.net”.
Ta’kidlanishicha, ajratilgan mablag‘ning bir qismi ta’limga, halok bo‘lganlar oilasining kutilmagan xarajatlarni qoplashga va yashashi uchun sarflanadi.
Pullar bir necha yil ichida muntazam to‘lab boriladi.
“Bort ichida bo‘lganlarning oilasi va yaqinlariga chuqur qayg‘uda ekanligimizni bildiramiz va bizning ushbu qadamimiz ularga biroz bo‘lsada taskin topishlariga yordam beradi degan umiddamiz”, — deydi konsern rahbari Dennis Melenberg.
Eslatib o‘tamiz, joriy yilning 10-mart kuni Efiopiyada Boeing samolyotining falokatga uchrashi oqibatida 157 kishi, 2018-yilning 29-oktabrida esa Indoneziyada xuddi shu turdagi samolyotning falokati sabab 189 kishi halok bo‘lgandi.
Izoh (0)