O‘zbekiston Moliya vazirligi Gulnora Karimova tomonidan davlat foydasiga 1,2 milliard dollar o‘tkazilgani haqidagi xabarlar yuzasidan rasmiy xabarnoma tarqatdi.
Davlat budjetiga undirilgan mablag‘larning fuqarolar kesimidagi hisobi Moliya vazirligi tomonidan yuritilmaydi. Bunda o‘tgan yili va joriy yilning birinchi yarmida ko‘rsatilgan miqdorda mablag‘lar budjetga kelib tushmadi, deyiladi xabarda.
Xususan, o‘tgan yili davomida davlat daromadiga o‘tkazilgan mol-mulk (valyuta mablag‘lari va zargarlik buyumlarini qo‘shgan holda) sotishdan tushumlar 163 mlrd so‘mni yoki 20,2 mln AQSh dollarini (o‘rtacha yillik kurs bo‘yicha) tashkil qildi.
Joriy yil birinchi yarmida esa davlat ixtiyoriga o‘tkazilgan mol-mulkni sotishdan 99,4 mlrd so‘m yoki 11,8 mln AQSh dollari (o‘rtacha kurs bo‘yicha) kelib tushdi.
Izoh (0)