Ўзбекистон Молия вазирлиги Гулнора Каримова томонидан давлат фойдасига 1,2 миллиард доллар ўтказилгани ҳақидаги хабарлар юзасидан расмий хабарнома тарқатди.
Давлат бюджетига ундирилган маблағларнинг фуқаролар кесимидаги ҳисоби Молия вазирлиги томонидан юритилмайди. Бунда ўтган йили ва жорий йилнинг биринчи ярмида кўрсатилган миқдорда маблағлар бюджетга келиб тушмади, дейилади хабарда.
Хусусан, ўтган йили давомида давлат даромадига ўтказилган мол-мулк (валюта маблағлари ва заргарлик буюмларини қўшган ҳолда) сотишдан тушумлар 163 млрд сўмни ёки 20,2 млн АҚШ долларини (ўртача йиллик курс бўйича) ташкил қилди.
Жорий йил биринчи ярмида эса давлат ихтиёрига ўтказилган мол-мулкни сотишдан 99,4 млрд сўм ёки 11,8 млн АҚШ доллари (ўртача курс бўйича) келиб тушди.
Изоҳ (0)