Qashqadaryo viloyatining Qarshi tumanida noma’lum shaxs 58 yoshli M.B. ismli ayolning uyiga devor oshish yo‘li bilan kirib, u yerdan 1 000 000 so‘m pul, 1 dona ayollar qo‘l soati va Samsung telefonini o‘g‘irlab ketgan.
IIV Jamoatchilik va OAV bilan aloqalar boshqarmasi xabariga ko‘ra, voqea 15-iyun kuni sodir bo‘lgan va holat yuzasidan jinoyat ishi qo‘zg‘atilgan.
Ko‘rilgan choralar natijasida ushbu jinoyatni Qarshi tumani Mirmiron mahallasida yashovchi 29 yoshli N.M. sodir etganligi aniqlanib, ushlangan. Tergov davom etmoqda.