“Kattaqo‘rg‘on” dala-o‘quv maydonida o‘tkazilayotgan inspektorlik tekshiruvi jarayonlarida Markaziy harbiy okrug qo‘shinlari qo‘mondonligi boshqaruv apparati shaxsiy tarkibi nazorat sinov mashqlarini topshirdi, deb xabar berdi Mudofaa vazirligi Axborot va ommaviy kommunikatsiyalar departamenti.
Dastlab harbiy xizmatchilar nishonlarga o‘q otish tayyorgarligida pistoletdan aniq mo‘ljalga olish mashqlarini amalda bajardi. Shundan so‘ng ular ommaviy qirg‘in qurollaridan himoyalanish vositalaridan foydalanish bo‘yicha tegishli me’yorlarni bajardi.
Harbiy xizmatchilar jangovar va ma’naviy-ma’rifiy tayyorgarlik hamda o‘z mutaxassisliklariga oid test sinovlarini topshirdi. Shuningdek, boshqaruv apparatining yuqori qo‘mondonlikdan berilgan jangovar vazifaga asosan ishlab chiqqan taktik harakatlari baholandi.
Eslatib o‘tamiz, 25-iyun erta tong soat 2:00 da Markaziy harbiy okrug qo‘shinlari qo‘mondonligi boshqaruv apparati hamda unga qarashli Samarqand va Jizzax garnizonlaridagi harbiy qismlarga to‘satdan trevoga signali berilgan edi.
Izoh (0)