Navoiy viloyati qon quyish markazida Navoiy harbiy prokuraturasi va viloyatdagi harbiy qismlarda xizmat qilayotgan xodimlar va ularning oila a’zolari o‘z xohishi bilan donorlik qonini topshirdi. Bu haqda Navoiy harbiy prokuraturasi xodimi, podpolkovnik Sardor Sobirov “Daryo”ga ma’lum qildi.
Donorlik aksiyasi Navoiy harbiy prokuraturasi tashabbusi bilan harbiy xizmatchilar orasida sog‘lom turmush tarzini keng targ‘ib qilish hamda tibbiy-ijtimoiy ko‘makka muhtoj insonlarni har tomonlama qo‘llab-quvvatlash maqsadida o‘tkazildi.
Mazkur ibratli tashabbusdan ko‘zlangan asosiy maqsad yurtimizda donor qoniga ehtiyoji bor insonlar uchun beg‘araz ko‘mak berish bo‘lib ushbu xayrli tadbirda o‘tizdan ortiq harbiy xizmatchilar va ularning oila a’zolari o‘z xohishi bilan ishtirok etdi.
Tadbir so‘ngida Navoiy qon quyish markazi rahbariyati tomonidan tadbir ishtirokchilariga minnatdorchilik bildirilib, bunday xayrli ishlarni kelajakda xam davom ettirishni taklif etdi.
Izoh (0)