Efiopiya bosh vaziri Abiy Ahmad 23-iyun kuni mamlakatda aholi soni bo‘yicha ikkinchi o‘rinda bo‘lgan Amxara shtatida to‘ntarish o‘tkazishga urinish sodir bo‘lganini ma’lum qildi, deb xabar bermoqda “Liga Novosti”. Uning aytishicha, to‘ntarishning oldini olishga erishilgan.
Sodir bo‘lgan voqea oqibatida Amxara hukumati rahbari Ambaxya Mekonnen va uning maslahatchisi halok bo‘lgan. Ko‘p o‘tmay Addis-Abebada Efiopiya armiyasi bosh shtabi rahbari Seare Mekonnen o‘z qo‘riqchisi tomonidan o‘ldirilgan. Hozirda qo‘riqchi hibsda saqlanmoqda.
“Bu ikki hujum bir biriga bog‘liqdir. Hujumning ko‘pchilik ishtirokchilari qo‘lga olingan, yana bir qator shaxslar qidiruvga berilgan”, — deb ta’kidlagan bosh vazir matbuot kotibi Nigussu Tilaxun.
Qayd etilishicha, to‘ntarish tashkillashtirish boshida Amxara Xavsizlik xizmati rahbari, armiya generali Asamniu Sige turgan bo‘lishi mumkin. Sige 2018-yilgacha to‘qqiz yilga qamalgan bo‘lgan. U, shuningdek, davlat to‘ntarishi rejasini amalga oshirishda gumon qilingan. Asamniu Sige o‘tgan yili amnistiyaga tushgan bo‘lib, qamoqdan ozod etilgan.
To‘ntarish tashkilotchisi deb gumon qilinayotgan shaxs qayerdaligi va u qo‘lga olinganmi-yo‘qmi ma’lum qilinmagan.
Izoh (0)