Alyaskalik 18 yoshli qiz o‘zining yaqin dugonasini o‘ldirdi. Tergov versiyasiga ko‘ra, u ijtimoiy tarmoq orqali 9 million dollar va’da qilgan noma’lum shaxsning talabini bajargan, deb xabar beradi Forum Daily.
18 yoshli Denali Bremer 19 yoshli Sinti Xoffmanni o‘ldirish maqsadida jinoiy kelishuvga qo‘shilgan.
Tergovning tasdiqlashicha, Bremer qotillik sodir etgani tasvirgan videoni Indiana shtatida yashovchi 21 yoshli Derin Shimlerga jo‘natgan.
“Internet shuncha yaxshi narsa olib kelayotganiga qaramay, u — ota-onalar uchun qorong‘u joyga aylanishi mumkin, shu sababli ular o‘z farzandining tarmoqlardagi faolligini kuzatib borishlari lozim”, — deydi prokuror Brayan Shroder.
Bremer internet orqali o‘zini kanzaslik millioner deb tanishtirgan Teyler ismli erkak bilan tanishib qolgan va taxminlarga ko‘ra, aynan uning talabi bilan yaqin dugonasini o‘ldirgan.
Keyinroq ma’lum bo‘lishicha, Teyler bu — Derin Shimler tomonidan yaratilgan personaj bo‘lib, yigitcha u orqali o‘z qurbonlarini aldab kelgan.
Tergovchilarning so‘zlariga ko‘ra, Bremer va Shimler “Alyaskada kimnidir zo‘rlash va o‘ldirish borasidagi rejalarni muhokama qilgani” qayd etilgan yozishmalar mavjud.
Oqibatda Bremer yana to‘rt nafar odamni jinoyatga jalb etib, ularga katta mablag‘ to‘lashni va’da qilgan.
Ular Sinti Xofmanni Tanderbyord Fols turistik zonasiga aldab olib kelgan va uni shu yerda o‘ldirishgan.
Jinoyatchilarning har biri 99 yildan qamoq jazosiga mahkum etilishi mumkin.
Izoh (0)