Interpolning sobiq rahbari, Xitoy jamoat xavfsizligi vaziri sobiq o‘rinbosari Men Xunvey pora olganlik aybini tan oldi. Bu haqda Xitoy Oliy xalq prokuraturasi saytida ma’lum qilingan.
Tyanszin sudi ma’lumotiga ko‘ra, Men o‘z lavozimidan shaxsiy manfaatlari yo‘lida foydalanib, pul va qimmatbaho sovg‘alar qabul qilgan. Uning qonunbuzarligi 14,46 million yuan (taxminan 2 million dollar)ga baholanmoqda.
Men Xunvey 2018-yilning 29-sentabrida Fransiyadan Xitoyga jo‘nab ketganidan so‘ng yo‘qolgan. Keyinchalik u korrupsiyadan gumonlanib Xitoy hukumati tomonidan qo‘lga olingani ma’lum bo‘lgan. U egallab turgan lavozimi tark etishga majbur bo‘lgan. Keyinchalik uning rafiqasi Greys Men shikoyat yozib, bir guruh noma’lum shaxslar uni o‘g‘irlab ketishga uringanini aytgan.
Interpolning yangi prezidenti etib Koreya Respublikasidan bo‘lgan Kim Chon Yan saylangan.
Izoh (0)