AQShning Nevada shtatida xavfli ashyolar va qurol ortgan poyezd izdan chiqib ketdi. Bu haqda “Korrespondent.net” xabar bermoqda.
Hodisa 19-iyun kuni tongda ro‘y bergani, jami 22 ta vagon izdan chiqqani bildirilmoqda.
Politsiyaga ko‘ra, poyezdda ammoniy nitrati, granatalar, o‘q-dorilar va o‘qotar qurol olib ketilayotgandi. Qurol-aslaha ortilgan vagonlar tarkibning oxirida bo‘lgan va ular qulamagan.
Xavfsizlikni ta’minlash maqsadida temir yo‘l yaqinidagi shosseda avtomobillar harakati 1,5 soatga to‘xtatib qo‘yildi.
Hodisa oqibatida hech kim jabrlanmadi. Avariya sabablari aniqlanmoqda.