Интерполнинг собиқ раҳбари, Хитой жамоат хавфсизлиги вазири собиқ ўринбосари Мэн Хунвэй пора олганлик айбини тан олди. Бу ҳақда Хитой Олий халқ прокуратураси сайтида маълум қилинган.
Тяньцзинь суди маълумотига кўра, Мэн ўз лавозимидан шахсий манфаатлари йўлида фойдаланиб, пул ва қимматбаҳо совғалар қабул қилган. Унинг қонунбузарлиги 14,46 миллион юан (тахминан 2 миллион доллар)га баҳоланмоқда.
Мэн Хунвэй 2018 йилнинг 29 сентябрида Франциядан Хитойга жўнаб кетганидан сўнг йўқолган. Кейинчалик у коррупциядан гумонланиб Хитой ҳукумати томонидан қўлга олингани маълум бўлган. У эгаллаб турган лавозими тарк этишга мажбур бўлган. Кейинчалик унинг рафиқаси Грейс Мэн шикоят ёзиб, бир гуруҳ номаълум шахслар уни ўғирлаб кетишга уринганини айтган.
Интерполнинг янги президенти этиб Корея Республикасидан бўлган Ким Чон Ян сайланган.
Изоҳ (0)