Nigeriyada 3 nafar terrorchi-xudkush bir qator portlashlarni amalga oshirdi. Buning oqibatida 30 kishi halok bo‘lgan, 39 kishi yaralangan, deb xabar beradi “Korrespondent.net”.
Terakt Konduga shahridagi kinoteatrda futbol uchrashuvi tomosha qilinayotganida amalga oshirilgan. Birinchi portlash kinoteatr yonida sodir etilgan, keyinroq esa yana ikkita portlash yuz berib, xudkushlar o‘zlarini bardagi odamlar orasida portlatgan.
Ta’kidlanishicha, portlashlarni ikki qiz va bir o‘g‘il bola amalga oshirgan. Ularning aniq yoshi noma’lum.
Hozircha ushbu terakt uchun javobgarlikni hech kim o‘z zimmasiga olmagan. Biroq Nigeriyada “Boko Haram” terrorchilik guruhi jangarilari muntazam hujumlar sodir etib turadi. Ular teraktlarni amalga oshirish uchun o‘g‘irlab ketilgan bolalardan foydalanadi.
Izoh (0)