12-iyun kuni Misrning “Al Masriya Universal Airlines” aviakompaniyasi tomonidan Airbus-320 samolyotida Toshkent-Sharm Ash-Shayx yo‘nalishi bo‘yicha UJ4002 ilk to‘g‘ridan-to‘g‘ri reysi 170 nafar yo‘lovchi bilan muvaffaqiyatli amalga oshirildi. Bu haqda Turizmni rivojlantirish qo‘mitasi matbuot xizmati xabar berdi.
Samolyot Sharm Ash-Shayxga qo‘nganidan so‘ng yo‘lovchilarni aeroport ma’muriyati tantanali ravishda kutib oldi.
Bunga qadar O‘zbekistondan Misrga va Misrdan O‘zbekistonga yo‘nalishdagi parvozni amalga oshirish uchun ikki mamlakat fuqarolariga uchinchi mamlakat orqali parvoz qilish talab qilingan va bu ma’lum bir noqulayliklar tug‘dirgan.
Ta’kidlash lozimki, Toshkent-Sharm Ash-Shayx yo‘nalishidagi to‘g‘ridan to‘g‘ri reyslar har chorshanba kuni Misrning “Al Masriya Universal Airlines” aviakompaniyasi tomonidan amalga oshiriladi.
Izoh (0)