12-iyun kuni soat 18.18 da Toshkent shahrining Uchtepa tumani, Qo‘shilish ko‘chasidagi 6 va 8-uylarning tomidagi alangalanish haqida xabar kelib tushdi. Bu haqda IIBB matbuot xizmati ma’lum qildi.
Soat 18.21 da voqea joyiga yong‘in xavfsizligi xodimlari yetib keldi. Soat 18.48 da yong‘in bartaraf etildi va 18.58 da to‘liq o‘chirildi.
Hodisa tufayli 6-uy tomining 50 kvadrat metri va 8-uyning 60 kvadrat metri yonib ketdi. Qurbonlar va jarohatlanganlar yo‘q.
Dastlabki ma’lumotlarga ko‘ra, yong‘inga elektr simlaridagi qisqa tutashuv sabab bo‘lgan.
Izoh (0)