Prezident ikkita ashula aytib “xizmat ko‘rsatgan artist” unvonini oluvchi xonandalarni tanqid qildi

Toshkent viloyati hokimligida O‘zbekiston Prezidenti raisligida videoselektor yig‘ilishi o‘tkazilayotgani haqida xabar berilgan edi.

Prezident ushbu yig‘ilish davomida madaniyat va sport ishlarida yo‘l qo‘yilayotgan kamchiliklar haqida ham gapirib o‘tgan.

“Madaniyat va sport ishlari vazirligida 12 kishi ishlardi. Baxshilar yo‘q bo‘lib ketardi festival o‘tkazmaganimizda. Shahrisabzda maqom festivalini o‘tkazdik. San’atni sevaman, degan maqomni tinglashi kerak!Nima emish: baxshilarni to‘yga aytgani or qilarmish. Uyat! Uyat! Uyat! Ikkita ashula aytadi — xizmat ko‘rsatgan artist.O‘zining ma’rifati, ma’naviyati bilan xizmat ko‘rsatishi kerak...”, — deb aytgan Shavkat Mirziyoyev.