Kecha, 2-iyun kuni Toshkent shaharida kuchli yog‘ingarchilik kuzatildi. Havo ochiq bo‘lishiga qaramasdan yoqqan yomg‘ir poytaxtga biroz salqinlik olib keldi, deb xabar beradi Sputnik.
Bu kabi tabiat hodisasi “ko‘r yomg‘ir” deyiladi. Uzum donasi kattaligida yoqqan yomg‘ir bir necha daqiqa ichida barcha ko‘chalar va yo‘laklarni suv ostida qoldirdi.
“Soyabon ostiga berkingan odamlar ko‘lmaklar ustidan yugurib uylariga shoshdilar. Umuman olganda quyoshli kunda yoqqan yomg‘ir ko‘pchilikka manzur bo‘ldi, osmonda paydo bo‘lgan kamalak odamlar kayfiyatini yanada ko‘tarishga xizmat qildi”, — deyiladi xabarda.
Mahalliy aholining aytishcha, yoz mavsumida bunaqa yomg‘irlar kamdan kam hollarda kuzatiladi.
Izoh (0)