“O‘zbektelefilm” studiyasida suratga olingan teleseriallar endilikda Qozog‘iston telekanallarida ham namoyish etiladi. Fransiyaning Kann shahridagi kinofestivalda bu borada shartnoma tuzilgan, bu haqda “Xalq so‘zi” xabar qiladi.
Xususan, shu kunlarda rejissor Muzaffar Erkinovning “Saodat” teleseriali qozoq tiliga tarjima qilinib, KTK telekanali orqali ko‘rsatilmoqda.
Ma’lumot uchun, har yili an’anaviy tarzda aynan may oyida Fransiyaning Kann shahridagi Kruazet sohillari bo‘yida bo‘lib o‘tadigan xalqaro kinofestival dunyodagi eng nufuzli marosimlardan biridir.
Bu yil u 72-bor dunyoning to‘rt burchidan tashrif buyuradigan kino dunyosi vakillariga mezbonlik qilmoqda. “O‘zbekkino” Milliy agentligi hamda “Respublika kinoprokat markazi” bu yil ilk marotaba ushbu kinofestival doirasida bo‘lib o‘tadigan MARCHE DU FILM kino bozorida turli yo‘nalishdagi 50 ta (badiiy, hujjatli, animatsion) film bilan ishtirok etyapti.
Izoh (0)