2019-yilning 22-may kuni Florensiyadan Siyenaga (Italiya) borish yo‘lida ichida turistlar bo‘lgan avtobusning halokatga uchrashi natijasida jabrlanganlar orasida O‘zbekiston fuqarolari yo‘q. Bu haqda Tashqi ishlar vazirligi O‘zbekistonning Rim shahridagi Elchixonasi bergan ma’lumotga tayanib xabar qildi.
Elchixona Italiya TIV va boshqa davlat tuzilmalari bilan aloqada bo‘lib turibdi.
Shu bilan birga Konsullik-huquqiy departamenti Italiya, Vatikan, Malta va San-Marino hududida bo‘lib turgan O‘zbekiston fuqarolariga ular zarurat tug‘ilgan holatlarda mamlakatning Rim shahridagi Elchixonasiga quyidagi telefon raqami orqali murojaat qilishlari mumkinligini eslatib o‘tadi: +39-06-878-60-310.
Avvalroq Italiyaning Siyena provinsiyasida rossiyalik turistlar avtobusi ag‘darilib ketib, 1 kishi halok bo‘lgani va 31 kishi jarohatlangani xabar berilgan edi.
Izoh (0)