1992-yil oxirlarida ayrim davlatlarning maxsus xizmatlaridan shayx Muhammad Sodiq Muhammad Yusuf bilan bog‘liq tezkor xabarlar ketma-ket kelib tushgandi. Bu haqda sobiq Ichki ishlar vaziri, general-polkovnik Zokirjon Almatov “O‘zbekiston ovozi” gazetasida chop etilgan suhbatida eslab o‘tgan.
Ularda ma’lum qilinishicha, shayx hazratlari Farg‘ona vodiysining qaysidir tuman yoki shahriga borgan vaqtlarida u kishiga nisbatan terrorchi guruhlar tomonidan suiqasd uyushtirilishi rejalashtirilayotgan ekan.
O‘sha paytda Birinchi Prezident topshirig‘iga binoan ana shu terroristik harakatlarning oldini olish maqsadida tezkor qidiruv ishlari amalga oshirildi va tabiiyki, Muhammad Sodiq Muhammad Yusuf davlat himoyasiga olindi.
Ammo g‘alamislar o‘z o‘yinlarini davom ettirdi. Ularning niyati shayxga suiqasd uyushtirib, bu jinoyatni respublika rahbariyatiga to‘nkash, shu tariqa jamoatchilikni rahbariyatga qarshi qo‘yish, g‘avg‘o chiqarish, urush olovini yoqish edi.
Izoh (0)