O‘zbekiston fuqarosi Rossiyaga salkam 200 million tengega teng saygoq shoxlarini noqonuniy olib o‘tishga urindi. Bu haqda Qozog‘iston chegara xizmati ma’lum qildi, deya xabar beradi “Podrobno.uz”.
49 yashar o‘zbekistonlik Ural chegara otryadining “Sirim avto” bo‘limi xodimlari tomonidan qo‘lga olindi. U “Oral — Samara” yo‘nalishidagi avtobusda jomadonda 148 dona saygoq shoxi olib ketayotgandi. Ularning taxminiy qiymati 196 million tenge (517 ming dollar atrofida) baholanmoqda.
Mazkur holat yuzasidan politsiya tomonidan sudgacha bo‘lgan tekshiruv boshlandi.
Izoh (0)