Ўзбекистон фуқароси Россияга салкам 200 миллион тенгега тенг сайгоқ шохларини ноқонуний олиб ўтишга уринди. Бу ҳақда Қозоғистон чегара хизмати маълум қилди, дея хабар беради «Podrobno.uz».
49 яшар ўзбекистонлик Урал чегара отрядининг «Сирим авто» бўлими ходимлари томонидан қўлга олинди. У «Орал — Самара» йўналишидаги автобусда жомадонда 148 дона сайгоқ шохи олиб кетаётганди. Уларнинг тахминий қиймати 196 миллион тенге (517 минг доллар атрофида) баҳоланмоқда.
Мазкур ҳолат юзасидан полиция томонидан судгача бўлган текширув бошланди.
Изоҳ (0)