2019-yilning 4-aprel kuni noma’lum shaxs Beeline uyali aloqa kompaniyasiga qo‘ng‘iroq qilib, hisobi to‘ldirilgan bo‘lsa ham qo‘ng‘iroq qilolmayotganini, agar 5 daqiqada hisob raqami yoqilmasa, kompaniyani portlatib yuborishini aytib, aloqani uzib qo‘ygan, deb yozadi IIV Jamoatchilik va OAV bilan aloqalar boshqarmasi.
Holat yuzasidan Toshkent viloyati huquqni muhofaza qilish organlari xodimlari tomonidan olib borilgan tezkor surishtiruv tadbirlari natijasida, ushbu qo‘ng‘iroqni Toshkent viloyati O‘rtachirchiq tumani Nurafshon MFY Navbahor ko‘chasida yashovchi V.M. qo‘lga olingan.
V.M. mast holda aloqa tarmog‘i yaxshi ishlamaganligi sababli qo‘ng‘iroq qilgan. Holat yuzasidan surishtiruv ishlari olib borilmoqda.
Izoh (0)