Afinada bo‘lib o‘tgan Olimpiada—2004 musobaqasi chempioni va badiiy gimnastika afsonasi Alina Kabayeva O‘zbekistonda kechgan bolalik davrlari hamda sportga qo‘ygan ilk qadamlari haqida so‘zlab berdi.
Men ko‘pmillatli shaharda tug‘ilib, voyaga yetganman. Hovlimizda turli millatga mansub oilalar yashar edi. Shu qadar inoq bo‘lganmizki, bunda har birimizning baxtiyor onlarimiz barcha uchun shod-u xurramlikka aylanar, qiyin damlarda esa hech kim o‘z muammosi bilan yolg‘izlanib qolmas edi. Qo‘shnilar hamisha bir-birini qo‘llab-quvvatlar va yordam berardi. Odamlar o‘rtasidagi munosabatlar samimiy va do‘stona edi. Albatta, janjallar ham bo‘lgan, lekin bunday holatlarda ham bir-biriga nisbatan nafrat bo‘lmagan.O‘z vaqtida dadam Dnepropetrovskdagi “Dnepr” futbol jamoasida to‘p surgan. U yerda figurali uchish sporti ancha yaxshi rivojlangan edi. Men o‘sha vaqtda uch yoshda bo‘lganman, onamlarga sportning bu turi juda yoqqani uchun meni figurali uchishga bergan bo‘lisharmidi?
Oyimlar hali men dunyoga kelmasimdan bu sport turi bilan tanish bo‘lganlar, nega deganda, u kishi o‘ynagan basketbol jamoasi gimnastikachilar bilan bitta zalda shug‘ullanishgan. Irina Aleksandrovna Vinerning mashg‘ulotlarini kuzatgan oyim, o‘sha vaqtning o‘zidayoq, agar kelajakda qiz farzand ko‘rsam, uni albatta, badiiy gimnastikaga va faqat shu murabbiyga berishini diliga maqsad qilib tugib qo‘ygan.
Eng zavqli xotiralarim Yaponiya bilan bog‘liq. 1994-yil boshida men Osiyo chempionatiga Qozog‘istondan (o‘sha vaqtda Pavlodarda yashaganmiz, dadam “Traktor” futbol jamoasida to‘p surardi) borganman. Oradan bir yil o‘tib Irina Aleksandrovna qo‘lida shug‘ullanishni boshladim va 1996-yil Rossiya termasi a’zosiga aylanib, Yaponiyaga qaytganman va yoshlar o‘rtasida jahon chempionati g‘olibi bo‘lganman. Hatto murabbiyim ham bunday bo‘lishini kutmagan. Men o‘z oldimga o‘shanda eng kuchli gimnastikachilar 30 taligiga kirishni maqsad qilib qo‘ygandim”, — deb xotirlaydi Alina “Aeroekspress” jurnali muxbiri bilan kechgan suhbatda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)