Joriy yil boshidan beri Rossiyadan Toshkentga tergov va suddan yashirinib yurgan 9 nafar shaxs qaytarib yuborildi. Bu haqda IIBB matbuot xizmati xabar berdi.
Jumladan, 17-mart kuni Moskvada IIBB so‘roviga asosan firibgarlik jinoyatini amalga oshirgani uchun qidiruvda bo‘lgan 27 yashar Andrey Sh. va Abdumutalibxon X. hamda narkotik moddalar aylanmasida ayblangan 32 yashar Grigoriy S. qo‘lga olindi.
24-mart kuni Novosibirskda mahalliy politsiya tomonidan IIBB so‘rovi bo‘yicha firibgarlik jinoyatini sodir etgani uchun qidiruvga berilgan 39 yashar Lutfulla R. ushlandi.
Qo‘lga olinganlarning barchasiga sud tomonidan hibsga olish ehtiyot chorasi qo‘llandi.
Izoh (0)