Viktor Yanukovich Ukrainada prezidentlik saylovida ovoz beruvchilar ro‘yxatiga kiritilgani ma’lum bo‘ldi

Ukrainaning sobiq prezidenti Viktor Yanukovich mamlakatda 31-mart kuni bo‘lib o‘tadigan prezidentlik saylovida ovoz beruvchilarning davlat reyestriga kiritilgan. Bu haqda “TASS” xabar bermoqda.

Shu tariqa, davlatga xiyonatda ayblangan sobiq prezident Kiyevning Obolon tumani saylov uchastkasida ovoz berish huquqiga ega.

Mazkur reyestrda sobiq bosh vazir Nikolay Azarov ham qayd etilgan, biroq uning saylov manzili belgilanmagani uchun saylovchilar ro‘yxatiga kiritilmagan.