Виктор Янукович Украинада президентлик сайловида овоз берувчилар рўйхатига киритилгани маълум бўлди

Украинанинг собиқ президенти Виктор Янукович мамлакатда 31 март куни бўлиб ўтадиган президентлик сайловида овоз берувчиларнинг давлат реестрига киритилган. Бу ҳақда «ТАСС» хабар бермоқда.

Шу тариқа, давлатга хиёнатда айбланган собиқ президент Киевнинг Оболон тумани сайлов участкасида овоз бериш ҳуқуқига эга.

Мазкур реестрда собиқ бош вазир Николай Азаров ҳам қайд этилган, бироқ унинг сайлов манзили белгиланмагани учун сайловчилар рўйхатига киритилмаган.