O‘zbekiston musulmonlari idorasi raisi, muftiy Usmonxon Alimov 15-mart kuni Yangi Zelandiyaning Kraystcherch shahridagi ikki masjidda yuz bergan fojia qurbonlari haqqiga Qur’on tilovati qilishni tavsiya etdi. Bu haqda “Azon.uz” xabar bermoqda.
Muftiy tomonidan imzolanib, viloyat vakilliklariga yuborilgan xatda shunday deyiladi:
“Butun dunyo ulamolari, din va davlat arboblari ushbu terrorchilik harakati oqibati halok bo‘lganlarning yaqinlariga hamdardlik bildirmoqda.
Shu munosabat bilan Yangi Zelandiyaning ‘Al-Nur’ va ‘Linvud’ masjidlarida sodir etilgan terrorchilik harakatlari oqibatida halok bo‘lganlar haqqiga shu yilning 17-mart kuni barcha jome masjidlarida peshin namozidan so‘ng Qur’oni Karim tilovati va duolar qilish, shuningdek, diniy ta’lim muassasalarida hatmi Qur’onlar qilish, savobini halok bo‘lganlar ruhiga baxshida etish tavsiya etiladi”.
Izoh (0)