Namanganga kelgan xorijiy investorlarga sifatli xizmat ko‘rsatish maqsadida Namangan shahar Davlat ximatlari markazida “Yashil yo‘lak” hamda investorlar xonasi faoliyati yo‘lga qo‘yildi . Bu haqda “Daryo”ga markaz matbuot xizmati ma’lum qildi.
Viloyatda buguni kunda 70 dan ortiq qo‘shma korxona faoliyat olib bormoqda. Ularda qulay ishbilarmonlik muhitini yaratish, xizmat ko‘rsatish sifatini oshirish alohida e’tibor qaratilgan.
— Chet ellik investorlar uchun tashkil etilgan maxsus yo‘lakcha va xonada ularga tajribali mutaxassislar tomonidan xizmat ko‘rsatib kelinmoqda. Markaz xodimlari xorijiy mutaxassislarning farzandlarini bog‘cha va maktablarga joylashtirishda ham ko‘mak bermoqda, — deydi Davlat xizmatlari agentligi viloyat boshqarmasi boshlig‘i Dilmurod Ismoilov. — Chet ellik sarmoyadorlar vaqtini tejash maqsadida onlayn-to‘lov tizimi joriy qilindi. Soliq va bojxona sohasidagi yangiliklar, ularga yaratilgan sharoitlar yuzasidan tushuntirish ishlari olib borilmoqda.
Izoh (0)