2019-yilning 13 fevral kuni soat taxminan 17:30 larda Navoiy viloyati, Karmana tumani, “Yangiariq” MFYda yashagan 17.07.1981-yilda tug‘ilgan “Navoiyazot” AJda qurilma ishchisi bo‘lib ishlovchi, T.B. “Navoiyazot” AJ sex hududida temir to‘singa arqon bilan o‘zini-o‘zi osib, o‘z joniga qasd qilgan. Bu haqda O‘zbekiston Bosh prokuraturasi “Daryo”ga xabar bermoqda.
Voqea joyi shahar prokurori, shahar prokurorining o‘rinbosari, shahar prokuraturasi tergovchilari, shahar IIO FMB boshlig‘i, Navoiy shahar IIO FMB EKB eksperti chiqib, ko‘zdan kechirilgan.
Ko‘zdan kechirish davomida B.T.ning egnidagi kiyimning chap cho‘ntagidan qog‘oz parchasiga “meni hech kim majburlamadi, mening o‘limimda hech kim aybdor emas, kasallik ekan, hamkasblarimdan hamda oila a’zolarimdan uzr so‘rayman” mazmunida yozilgan xat topilgan.
Holat yuzasidan sud-tibbiyot ekspertizasi tayinlangan bo‘lib, dastlabki ma’lumotnomaga ko‘ra, B.T.ning o‘limi o‘zini-o‘zi osishdan yuzaga kelgan bo‘yin a’zolarining sirtmoq bilan qisilishidan sodir bo‘lgan mexanik asfiksiyadan yuzaga kelgan.
Holat buyicha Navoiy shahar prokuraturasi tomonidan tergovga qadar tekshiruv olib borilmoqda.
Izoh (0)