Mutaxassislar Shimoliy Koreyadagi raketa poligonida ta’mirlash ishlari olib borilayotganini aniqladi

Kim Chen In va Donald Tramp sammitidan ikki kun o‘tib sputnikdan olingan suratlardan ma’lum bo‘lishicha, Shimoliy Koreyadagi raketa poligonida ta’mirlash ishlari olib borilmoqda. Bu haqda “RBK” xabar berdi.

Xabarda aytilishicha, Shimoliy Koreya mamlakat g‘arbidagi Sohe sinov poligonida raketalarni ishga tushirish maqsadida uchirish maydonini qayta tiklagan.

Pxenyan o‘tgan yili Shimoliy Koreya va AQSh yetakchilarining birinchi sammitida ushbu obyektlarni butunlay tiklashga va’da bergan.

Poligondagi ta’mirlash ishlari obyektning tomi va eshiklarini almashtirishni o‘z ichiga olgan. Ta’mirlash ishlari haqidagi boshqa tafsilotlari oshkor etilmagan.

Sohe sinov poligonida olib borilayotgan ta’mirlash ishlarini 38 North tadqiqot guruhi mutaxassislari qo‘lga kiritishga erishgan sputnikdan olingan suratlar ham tasdiqlagan. Beyond Parallel mutaxassislarining ta’kidlashicha, suratlar 2-mart kuni olingan.