Alisher Navoiy nomidagi Davlat Akademik katta teatrida “O‘zbegim ayoli” milliy mukofotini tantanali topshirish marosimi bo‘lib o‘tdi. Bu haqda “Xalq so‘zi” xabar berdi.
“Milliy” telekanali tomonidan uyushtirilgan mazkur anjumanga adabiyot, san’at, fan, madaniyat, badiiy ijod va boshqa jabhalarda uzoq yillardan buyon samarali mehnat qilib kelayotgan xotin-qizlar, onaxonlar, yosh ijodkorlar, keng jamoatchilik vakillari taklif etildi.
Tadbirda 17 nafar ayol turli nominatsiyalar bo‘yicha taqdirlandi.
“Eng jasoratli ayol” — Nargiza Arslonova, “Toshkent City” qurilishida kran mashinisti.
“Irodali ayol” — Iroda Rapikova, alpinist, O‘zbekiston chempioni.
“Qobiliyatli ayol” — Ra’no Bobobekova, styuardessa. “O‘zbekiston havo yo‘llari” AJ xodimi.
“Sabotli ayol” — Latofat Ro‘ziyeva, Jizzax oliy harbiy aviatsiya bilim yurti xodimi, oddiy askar.
“Dovyurak ayol” — Zulxumor Aliyeva, FVV xodimi.
“Fidoyi ayol” — Zoya Izbosarova, “O‘zbekiston temir yo‘llari” AJ “Qo‘ng‘irot mintaqaviy temir yo‘l uzeli” ununitar korxonasida katta naryadchik.
“Bardoshli ayol” — Xushvaqt Jo‘rayeva, Buxoro viloyatilik kasanachi.
“Oilaparvar ayol” — Ziyoda Gadoyeva, tadbirkor, 30 yildan buyon asalarichilik bilan shug‘ullanadi.
“Shijoatli ayol” — Guliston Jovliyeva, fermer, 20 yildan beri qishloq xo‘jaligi sohasida traktor va kombayn haydaydi.
“Kurashuvchan ayol” — Dilfuza Musayeva, Xorazm viloyati perinatal markazining asoratli homiladorlar bo‘limi mudiri.
“Matonatli ayol” — Vazira Shokirova, tadbirkor, bundan 21 yil oldin onkologik xastalikka chalingan. Shifokorlar unga og‘ir tashxis qo‘yib, yashashiga umid kam ekanligini aytgan. 20 yildan beri kasallikni yengib kelmoqda.
“G‘amxo‘r ayol” — Rayhon Rustamova, pedagogika fanlari nomzodi, xalq ta’limi a’lochisi, surdopedagog.
“Mehribon ayol” — Muharram Mahmudova, Farg‘ona viloyatidagi “Muruvvat” nogiron bolalar internat uyi sanitar enagasi.
“Qat’iyatli ayol” — Roziya Ergasheva, yengil atletikaning nayza uloqtirish sport turi bo‘yicha 7 karra O‘zbekiston chempioni, Paraosiyo o‘yinlari g‘olibi.
“Zehnli ayol” — Zarifa EshmirzaEshmirzayeva, olima, “Oltin meros” xayriya jamoat fondi rahbari, 600 dan ortiq ilmiy maqola va adabiyotlar muallifi.
“Bag‘rikeng ayol” — Munavvar Pardayeva, nafaqaxo‘r, 60 nafar bolani asrab olgan.
“Eng yoshi ulug‘ onaxon” — Huvaydo Umarova, Farg‘ona viloyatidan, 124 yosh.
G‘oliblarga statuetka, qimmatbaho sovg‘alar va pul mukofoti yozilgan vaucherlar topshirildi.
Izoh (0)