Алишер Навоий номидаги Давлат Академик катта театрида «Ўзбегим аёли» миллий мукофотини тантанали топшириш маросими бўлиб ўтди. Бу ҳақда «Халқ сўзи» хабар берди.
«Миллий» телеканали томонидан уюштирилган мазкур анжуманга адабиёт, санъат, фан, маданият, бадиий ижод ва бошқа жабҳаларда узоқ йиллардан буён самарали меҳнат қилиб келаётган хотин-қизлар, онахонлар, ёш ижодкорлар, кенг жамоатчилик вакиллари таклиф этилди.
Тадбирда 17 нафар аёл турли номинациялар бўйича тақдирланди.
«Энг жасоратли аёл» — Наргиза Арслонова, «Toshkent City» қурилишида кран машинисти.
«Иродали аёл» — Ирода Рапикова, альпинист, Ўзбекистон чемпиони.
«Қобилиятли аёл» — Раъно Бобобекова, стюардесса. «Ўзбекистон ҳаво йўллари» АЖ ходими.
«Саботли аёл» — Латофат Рўзиева, Жиззах олий ҳарбий авиация билим юрти ходими, оддий аскар.
«Довюрак аёл» — Зулхумор Алиева, ФВВ ходими.
«Фидойи аёл» — Зоя Избосарова, «Ўзбекистон темир йўллари» АЖ «Қўнғирот минтақавий темир йўл узели» унунитар корхонасида катта нарядчик.
«Бардошли аёл» — Хушвақт Жўраева, Бухоро вилоятилик касаначи.
«Оилапарвар аёл» — Зиёда Гадоева, тадбиркор, 30 йилдан буён асаларичилик билан шуғулланади.
«Шижоатли аёл» — Гулистон Жовлиева, фермер, 20 йилдан бери қишлоқ хўжалиги соҳасида трактор ва комбайн ҳайдайди.
«Курашувчан аёл» — Дилфуза Мусаева, Хоразм вилояти перинатал марказининг асоратли ҳомиладорлар бўлими мудири.
«Матонатли аёл» — Вазира Шокирова, тадбиркор, бундан 21 йил олдин онкологик хасталикка чалинган. Шифокорлар унга оғир ташхис қўйиб, яшашига умид кам эканлигини айтган. 20 йилдан бери касалликни енгиб келмоқда.
«Ғамхўр аёл» — Райҳон Рустамова, педагогика фанлари номзоди, халқ таълими аълочиси, сурдопедагог.
«Меҳрибон аёл» — Муҳаррам Маҳмудова, Фарғона вилоятидаги «Мурувват» ногирон болалар интернат уйи санитар энагаси.
«Қатъиятли аёл» — Розия Эргашева, енгил атлетиканинг найза улоқтириш спорт тури бўйича 7 карра Ўзбекистон чемпиони, Параосиё ўйинлари ғолиби.
«Зеҳнли аёл» — Зарифа ЭшмирзаЕшмирзаева, олима, «Олтин мерос» хайрия жамоат фонди раҳбари, 600 дан ортиқ илмий мақола ва адабиётлар муаллифи.
«Бағрикенг аёл» — Мунаввар Пардаева, нафақахўр, 60 нафар болани асраб олган.
«Энг ёши улуғ онахон» — Ҳувайдо Умарова, Фарғона вилоятидан, 124 ёш.
Ғолибларга статуэтка, қимматбаҳо совғалар ва пул мукофоти ёзилган ваучерлар топширилди.
Изоҳ (0)