Muzaffar Dadaboyev Namangan viloyatining Uychi tumanida joylashgan chegara hududi orqali Qirg‘izistondan O‘zbekiston hududiga noqonuniy ravishda umumiy qiymati 968 million so‘mdan ortiq tovar-moddiy boyliklarni olib o‘tishga urindi. Bu haqda O‘zA xabar berdi.
Dastlabki surishtiruv jarayonida ma’lum bo‘lishicha, Muzaffar Dadaboyev “GAZ-53” rusumli avtomashina yukxonasiga muzlatgich, changyutgich, elektr isitgich, televizor, gazlamalar, energetik ichimliklar, ozdiruvchi kapsulalar hamda 352 dona mobil telefon, 300 kilogramm Eron pistasini yuklab, yashirin yo‘llar orqali mamlakatga olib kirmoqchi bo‘lgan paytda to‘xtatilgan.
Hozirda mazkur holat bo‘yicha Davlat xavfsizlik xizmati Namangan viloyat boshqarmasi tomonidan tergov-surishtiruv ishlari olib borilmoqda.
Izoh (0)