BMTning e’lon qilishicha, IShID terrorchilik guruhi tufayli Suriyaning Deyr az-Zor provinsiyasidan qochgan 80 dan ortiq suriyalik qo‘shni Xaseke provinsiyadagi al-Xol qochoqlar lageriga ketayotib, yo‘lda vafot etdi. Bu haqda “RIA Novosti” xabar berdi.
“Xabar berilishicha, al-Xol lageriga yo‘lida yoki lagerga yetib kelishi bilan 84 nafar kishi vafot etgan. Ularning uchdan ikki qismi ayollar va besh yoshgacha bo‘lgan bolalar. Shuningdek, 175 nafar bola yetarlicha ovqat yemagani uchun holsizlanib, kasalxonaga tushib qolgan”, — deydi BMT gumanitar masalalar bo‘yicha oliy komissari boshqarmasining rasmiy vakili Yens Lerke.
BMT bergan ma’lumotlarga ko‘ra, o‘tgan haftaning o‘zida lagerga 13 ming kishi keltirilgan. Ularning 90 foizi ayollar va bolalar. Ko‘pchiligi kasal, qorni och va holdan toygan.
Xaseke provinsiyasidagi al-Xol lageri Suriyaning Xajin shahridagi jangari harakatlardan qochgan barchani qabul qiladi. Xajinda arab-kurd harbiylari bir necha oydan beri AQSh boshchiligidagi xalqaro koalitsiyaning aviatsion yordamida IShID guruhiga qarshi jangovar harakatlar olib bormoqda.
OAV ko‘p marta koalitsiyaning aviazarbalari natijasida tinch aholi halok bo‘lgani haqida xabar bergan.
BMTning hisobiga ko‘ra, lager aholisi 53 ming kishini tashkil qiladi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)