Somali poytaxti Mogadisho shahridagi mehmonxonalardan birining yonida kuchli portlash sodir bo‘ldi, deb xabar berdi “Korrespondent.net”.
Portlash oqibatida 25 nafardan ortiq kishi halok bo‘lgan.
Mahalliy politsiya ma’lumotlariga ko‘ra, amaldorlar tez-tez tashrif buyuradigan ushbu mehmonxona yonidagi portlovchi qurilmani xudkush terrorchi portlatgan.
Qayd etilishicha, portlash shu darajada kuchli bo‘lganidan, u sakkiz kilometr uzoqlikda ham eshitilgan.
Xabarda aytilishicha, portlashdan bir soat o‘tar-o‘tmas ikkinchi portlash sodir bo‘lgan. Shu sababli qurbonlar soni ortishi mumkin.
Izoh (0)